Milena Bozovic, predsjednica Skupstine opstine Bar, danas je organizovala prijem za inostrane sudije i organizatore Adriatic Cup-a koji je organizovan proteklog vikenda u Baru.
“Ovo je jedno od najozbiljnijih takmicenja koje kinolosko drustvo “Jadran” iz Bara organizuje na ovim prostorima i zadovoljstvo je uvijek vidjeti nase drage goste koji nam se svake godine iznova vracaju”, bile su uvodne rijeci predsjednice.
Na prijemu su bili prisutni: Nenad Nedimovic, sudija iz Srbije, Ivan Jukic, sudija iz Bosne i Hercegovine, Helen Skliarova, dama sudija iz Ukrajine i Goran Dojcinovski, sudija iz Sjeverne Makedonije. Svi su bili odusevljeni gostoprimstvom i ljubaznoscu domacina i izrazili su zelju da svake naredne godine gostuju u nasem gradu.
“Svi pricaju o sezoni, a ovo je jedna konkretna manifestacija koja nam u predsezoni dovodi znacajan broj turista u grad. Neka ovo bude podsticaj za sve ljude koji organizuju bilo koju manifestaciju ovoga tipa u nasem gradu, a zahvaljujuci lijepim uspomenama oni nam se vracaju i u toku sezone”, istakla je predsjednica SO Bar.
“Mi moramo podrzavati zdrave manifestacije i omoguciti im da se u narednim godinama razvijaju i postanu vodece u Evropi. Bar ima velikog turistickog potencijala i moramo staviti sve u funkciju kako bi privukli sto vise turista. Ovog vikenda je boravilo blizu 2000 ljudi iz regiona u nasem gradu, koji su koristili turisticke kapacitete nasih ugostitelja i samo tako mozemo krenuti naprijed i izboriti se sa pandemijom COVID 19. Ekonomija je kljuc naseg razvoja.” zakljucila je predsjednica.
Ivan Jukic iz Posusja (BIH) rekao je: “Bar i kinolosko drustvo “Jadran” su godinama unazad odlicni organizatori. Rado se vracamo svake godine ovdje, a ova manifestacija poprima karakter izlozbi koje se viđaju u najvecim gradovima Evrope. Zelim im da traju jos dugo i da svake godine budu sve bolji.”
Jedan prelijep vikend je za nama. Radujemo se ponovnom viđenju i kinologa i njihovih ljubimaca.
Do tada nosimo lijepe uspomene sa Adriatic Cup-a 2021.
